MENU

273613473 5448061891876327 4275116321830132299 n

Aabot sa PHP 1.405 milyong halaga ng livelihood grant o tulong-pangkabuhayan ang ibinahagi ng Overseas Worker’s Welfare Administration- National Reintegration Center for OFWs (OWWA-NRCO) sa 11 OFW Family Association sa Bangsamoro Autonomous Region in Muslim Mindanao (BARMM) sa ilalim ng Tulong Pangkabuhayan sa Pag-Unlad ng Samahang OFWs (Tulong PUSO) program.

Ang pamamahagi ng livelihood grant sa mga benepisyaryo, na naganap sa Cotabato City nitong ika- 11 ng Pebrero, ay pinangunahan ni OWWA-NRCO Director IV Dindi Tan katuwang si OWWA-BARMM OIC- Regional Director Uga Sulaiman.

273659936 5448142795201570 3751059074034820711 n

Ang mga nasabing benepisyaryo ay ang OFW Kambalingana Service Cooperative (Mipaga, Marawi City, Lanao del Sur), Kalinga OFW Family Circles Association (Katutungan, Wao, Lanao del Sur), Panatan OFW Farmers Multi-purpose Association (Panatan, Sultan Kudarat, Maguindanao), Kalilintad OFW Association (Tamontaka, Datu Odin Sinsuat, Maguindanao), Bangsamoro Exit Overseas Workers Association (Kapimpilan, Sultan Kudarat, Maguindanao), OFW Farmers Association (Bagong, Shariff Aguak, Maguindanao), Lugay-Lugay OFW Association (Lugay-Lugay, Cotabato City), Bangsamoro OFW Multi-purpose Association (Sittio Viente, Meta, Datu Unsay, Maguindanao), Wao Central OFWs Family Circle Association Bangsamoro Overseas Workers for Women’s (Poblacion Wao, Lanao del Sur), Bangsamoro Overseas Workers for Women Livelihood and Development Association (Datu Saudi Ampatuan, Maguindanao) and Bayanihan Overseas Filipino Workers Association (Datu Saudi Ampatuan, Maguindanao).

273643922 5444528082229708 7273937557178957437 n

273858668 5444527418896441 7529072056215100368 n

Sa kaniyang talumpati sa harap ng mga benepisyaryo, binigyang-diin ni Dir. Tan na gamiting mabuti ng mga ito ang tulong-pangkabuhayan na kaniyang personal na iniabot mula sa OWWA-NRCO upang masimulan at mapa-unlad pa ang kanilang mga napiling negosyo upang makatulong ito sa pang-araw-araw na gastos ng kani-kanilang pamilya.

Samantala, walong benepisyaryo naman ang nabigyan ng tig-PHP 10, 000 na livelihood assistance mula sa Special Livelihood Project (SLP) bilang panimula o pang-dagdag sa gastos o puhunan ng mga ito sa kani-kanilang mga negosyo.

Bukod pa sa mga SLP beneficiaries, mayroon ding nabigyan ng PHP 10,000 na livelihood assistance sa ilalim ng “Balik Pinay, Balik Hanapbuhay” (BPBH) Program at “Livelihood Development Assistance Program” (LDAP).

273652971 5448018301880686 6205241639565470049 n

273682545 5448018738547309 1528010671560577723 n

273938250 5448018491880667 3096262659353520312 n

Maliban sa mga nakatanggap ng livelihood assistance, mayroon ding naipamahaging financial assistance para sa mga napiling iskolar sa ilalim ng OFW Dependents Scholarship Program (ODSP) at Education for Development Scholarship Program (EDSP) na aabot sa halagang PHP 127, 097. 09. ###GDG